- VAPOR
- VAPORapud Martialem, l. 10. Epigr. 48. v. 3.———— nimios prior hora vaporesHalat, et immodicô sexta Nerone calet:Calor est. Cuiusmodi vapores subter et per parietes in tubis olim adactos, ad calefacienda conclavia, multa ostendunt Auctorum Ioca. Inter quos Papinius Statius, l. 1. Sylv. 5. v. 58. de balneo,Quid nunc strata solo referam tabulata, crepantesAuditura pilas, ubi languidus ignis interr atAedibus, et tenuem volvunt hypocausta vaporem.Ausonius similiter in Mosella, v. 337.Quid quae sulfureâ substructa crepidine fumantBalnea, ferventi cum Mulciber haustus ahenoVolvit anhelatas tectoria per cava flammas,Inclusum glomerans aestu aspirante vaporem.Quo facit aenigma antiquum, quod ponitur et exponitur in Tabula Apollonii Tyrii:Per tutas aedes innoxius introit ignis:Est calor in medio magnus, quem nemo removit.Non est nuda domus, nudus sed convenit hospes.Si luctum ponas, insons intrabis in ignes.Apollonius ait: Intrarem balneum, ubi hinc inde flammae per tabulas surgunt etc. Vide Casp. Barthium, Animadversion. ad Statii l. uti de more Veter. phasianos lentis vaporibus coquentium, supra, voce Phasianus. Hinc vaporare, pro calefacere. Lucretius, l. 5. v. 1130.Invidiâ quoniam, ceu fulmine, summa vaporant.Virg. l. 11. Aen. v. 481.Succedunt matres et templum ture vaporant;Alii. Unde vaporata altaria, apud eundem Statium, l. 1. Theb. v. 556. et vaporosi fontes, apud Appuleium, l. 5. etc.
Hofmann J. Lexicon universale. 1698.